ម៉េង កែវពេជ្ជតា ថាបាន មុន្នីល័ក្ខ ជាមនុស្សគ្មានភាពទទួលខុសត្រូវ និងមិនគោរព​ក្រម​សីល​ធម៌វិជ្ជាជីវៈ

នៅរសៀល ថ្ងៃទី ១១ ខែកញ្ញា ឆ្នាំ ២០២១ នេះ តារាចម្រៀង ស្រីជើង ចាស់ អ្នកនាង ម៉េង កែវពេជ្ជតា បានធ្វើការ បង្ហោះ សារ​លើបណ្ដាញ​សង្គម ​ហ្វេសប៊ុក ដែលអ្នកនាង បានលើក ឡើងជាថ្មីម្ដងទៀត ទាក់ទិននឹង រឿងអ្នក យក​បទ ចម្រៀង ទៅច្រៀង​ធ្វើអាជីវកម្ម ដោយ​ មិន សុំអនុញ្ញាតពីម្ចាស់ និង​មិន​ដាក់ ​ឈ្មោះ​​ ម្ចាស់ដើម។​

ដ្បិតតែ អ្នកនាង និយាយចំពោះអ្នកទូទៅ មួយចំនួន ដែលយកបទចម្រៀង របស់អ្នកនាង ទៅ Cover ដោយមិន ដាក់​ឈ្មោះម្ចាស់ដើម មែន ​ប៉ុន្តែ​ក្នុង​នោះ ​អ្នកនាង ក៏បានស.ង្កត់ធ្ង.ន់.​ចំពោះ ​កញ្ញា បាន មុន្នីល័ក្ខ ដែលអ្នកនាង​លើក.បានឡើង.ពីមូលហេតុ ​៥ ចំណុច ព្រមទាំងទម្លាយពីទង្វើរបស់ តា​រា​ស្រីវ័យក្មេងរូបនេះ

ធ្វើដាក់​អ្នកនាងជាច្រើន​លើកជាច្រើន​សារ ចាប់តាំងពីឆ្នាំ ២០២០ កន្លងមក រហូតធ្វើឱ្យអ្នក នាង ពោលពាក្យផាំងៗ ទៅកាន់ បាន មុន្នីល័ក្ខ ថាជា មនុស្ស ខ្វះមាយាទ ខ្វះទឹកចិត្ត រមិលគុណ អាត្មានិយម ហ៊ានស៊ីមិនហ៊ានសង គ្មានភាព ទទួលខុសត្រូវ និងមិនគោរព​ក្រម​សីល​ធម៌វិជ្ជាជីវៈ។​

លើសពីនេះ ក្នុងសារនេះដែរ អ្នកនាង ក៏បានធ្វើការ បញ្ជាក់ផង ដែរថា នេះជាវគ្គបញ្ចប់ទាក់ទង នឹង រឿងរ៉ាវ នេះ ដែលអ្នកនាង មិនបានរង់​ចាំ​ឆ្លើយ ​តប​ការ​ សុំទោសពី កញ្ញា បាន មុន្នីល័ក្ខ ទៀតឡើយ ព្រោះ ​អ្នកនាង មិនចង់ ​បានការ សុំ.ទោស ​គ្មាន តម្លៃរបស់ តារាស្រីវ័យ ​ក្មេងនេះ ​ទៀតទេ៕